Si Abraham naghale sa Ur nagpasiring sa Canaan---Si Jehovah nagpahiling saiya Sa Haran---Gabos na bendisyon kan ebanghelyo pinagpromisa sa saiyang banhi, asin sa paagi kan saiyang banhi para sa gabos---Siya nagpaduman sa Canaan, asin pasiring sa Ehipto.
1 NGONYAN an Kagurangnang Diyos nagkausa na an taggutom na magin magkurion sa kadagaan nin Ur, na tangani baya na si Haran, an sakuyang tugang na lalake, maggadan; pero si Terah, an sakuyang ama, namuhay sa kadagaan nin Ur, sa Caldeo.
2 Asin ini nangyaring naglipas na ako, si Abraham, pinagkua si Sarai na magin agom, asin si Nahor, an sakuyang tugang na lalake, pinagkua si Milcah na magin agom, na akeng babaye ni Haran.
3 Ngonyan an Kagurangnan nagsabi sakuya: Abraham, maghale ka gikan sa saimong banwaan, asin gikan sa saimong kalahi, asin gikan sa harong nin saimong ama, pasiring sa sarong kadagaan na Ako na magpapahiling sa saimo.
4 Kun kaya ako naghale sa kadagaan nin Ur, sa Caldeo, tanganing magpaduman pasiring sa kadagaan nin Canaan; asin pinag-iba ko si Lot, an akeng lalake kan sakuyang tugang, asin an saiyang esposa, asin si Sarai na sakuyang esposa; asin man an sakuyang ama nagsunod sakuya, pasiring sa kadagaan na samuyang pinag-apod na Haran.
5 Asin an taggutom mas nagin makuri; asin an sakuyang ama nagpawalat sa Haran asin nag-erok duman, ta igwa nin kadakulon na mga kawan sa Haran; asin an sakuyang ama nagbalik giraray ka saiyang idolatriya, kun kaya siya nagdagos sa Haran.
6 Pero ako, si Abraham, asin si Lot, an ake nin sakuyang tugang, nagpangadye sa Kagurangnan, asin an Kagurangnan nagpahiling sako, asin nagsabi sako: Magbuhat ka, asin agdaha si Lot na umiba saimo; nin huli ta Ako an nagtuyo na darahon ka paharayo sa luwas nin Haran, asin tanganing himoon ta ka na sasrong ministro na magdadara kan sakuyang pangaran sa sarong estrangherong kadagaan na Ako an magtatao para sa saimong banhi na masunod saimo para sa sarong daeng katapusan na kapagsadirehan, kunsoarin na saind mahihinanyog kan sakuyang boses.
7 Nin huli ta Ako an Kagurangnan na saimong Diyos; Ako nag-eerok sa langit; an kinaban an sakuyang pamitisan; Ako nagbingat kan sakuyang kamot sa kaibabawan nin dagat, asin ini nagsunoda kan sakuyang boses; Ako nagkausa sa paros asin sa kalayo na magin sakuyang karwahe; Ako nagsabi sa mga kabukidan---Maghale kamo digde---asin hilnga, sinda pinagkua paharayo nin sarong ipo-ipo, na hidalion sanang gayo.
8 An sakuyang pangaran Jehovah, asin Ako nakaaram sa katapusan gikan sa kapinunan; kun kaya an sakuyang kamot iyo an maglilindong saimo.
9 Asin Ako maghihimo saimo na magin sarong dakulaon na nasyon, asin Ako an magbebendisyon samo nin sobra sa sukol, asin himoon an saimong pangaran na bantugan sa pag-iriba kan gabos na mga nasyon, asin ika magigin sarong bendisyon sa saimong banhi na masurunod saimo, na sa paagi kan saindang mga kamot sinda an magdadara kaining ministeryo asin Pagkasaserdote sa gabos na mga nasyon;
10 Asin Ako an magbebendisyon sainda sa paagi kan saimong pangaran; nin huli ta habang kadakulon an magreresibe kaining Ebanghelyo pag-aapudon susog sa saimong pangaran, asin magigin kabilang na saimong banhi, asin maninindugan asin magbebendisyon saimo, bilang saindang ama;
11 Asin Ako an magbebendisyon sainda na magbebendisyon saimo, asin magsusumpa sainda na magsusumpa saimo; asin sa saimo (ini iyo, sa laog kan saimong Pagkasaserdote) asin sa saimong banhi (ini iyo, an saimong pagkasaserdote), nin huli ta Ako matao sa saimo nin sarong promisa na ining karapatan magdadanay saimo, asin sa saimong banhi na masurunod saimo (ini pinagsasabi, an literal na banhi, o an banhi kan saimong hawak) na an gabos na mga pamilya nin kinaban mabendisyunan, ngani nin mga bendisyon kan Ebanghelyo, na iyo an mga bendisyon nin kaligtasan, magin iyo pa buhay na eternal.
12 Ngonyan, matapos na an Kagurangnan naghale na gikan sa pakikipag-olay sako, asin pinaghale na an saiyang lalawgon gikan sako, Ako nagsabi sa sakuyang puso: An saimong surugoon naghanap saimo nin maigot; ngonyan Ako an nakanagbo saimo;
13 Saimong ipinagpadara an saimong anghel sa pagligtas sako gikan sa mga diyos nin Elkenah, asin ako maggigibo nin marahayon sa paghihinanyog kan saimong boses, kun kaya tuguti na an saimong surugon magbuhat asin maghale sa katuninongan.
14 Kaya ako, si Abraham, naghale siring sa an Kagurangnan an nagsabi sako, asin si Lot kaiba ko; asin ako, si Abraham, kaidto anom na pulo asin duwang taon an edad kunsoarin na ako naghale paluwas sa Haran.
15 Asin ako an nagkua ki Sarai, na sakong pinag-agom kan ako yaon pa sa Ur, sa Caldeo, asin si Lot, an ake nin sakuyang tugag na lalake, asin an bilog niyamong gamit na samuyang pinagtiripon, asin an mga kalag na samuyang inagda sa Haran, asin naglakbay sa dalan pasiring sa kadagaan nin Canaan, asin nag-erok sa mga tolda habang kami naglalakbay sa samuyang dalan;
16 Kun kaya, an eternidad an samuyang talukbong asin an samuyang gapo asin an samuyang kaligtasan, habang kami nagbibiyahe gikan sa Haran sa dalan pasiring sa Jershon tanganing makaabot sa kadagaan nin Canaan.
17 Ngonyan ako, si Abraham, nagtugdok nin sarong altar sa kadagaan nin Jershon, asin naghimo nin sarong pagdudulot sa Kagurangnan, asin nagpangadye na tangani na an taggutom mapuwedeng maipagharayo gikan sa harong nin sakuyang ama, na tangani baya na sinda dae magkaparara.
18 Asin dangan kami nag-agi gikan sa Jershon lagbas pasiring sa kadagaan duman sa lugar nin Sechem; ini napamugtak sa mga kapatagan nin Moreh, asin kami nakaabot na sa mga sagkodan kan kadagaan nin Canaanita, asin ako nagdulot nin sakripisyo duman sa mga kapatagan nin Moreh, asin nangapudan nin bilog na kaimbodan sa Kagurangnan, nin huli ta kami nakaabot na sa kadagaan kaining idolatriyosong nasyon.
19 Asin an Kagurangnan nagpahiling sako bilang kasimbagan nin sakuyang pagpapangadye, asin nagsako sako: Sa saimong banhi Ako magtatao kaining kadagaan.
20 Asin ako, si Abraham, nagbuhat gikan sa lugar kan altar na ako an nagtugdok para sa Kagurangnan, asin naghale magpoon duman pasiring sa sarong bukid sa may sirangan nin Bethel, asin pinagtugdok san sakuyang tolda duman, an Bethel sa may sulnupan, asin an Hai sa may sirangan; asin duman ako nagtugdok nin sarong altar para sa Kagurangnan, asin nangapudan giraray sa pangaran nin Kagurangnan.
21Asin ako, si Abraham, nagbiyahe, pasiringon sa timog; asin duman yaon pa an padagos na taggutom sa kadagaan; asin ako, si Abraham, nakapag-isip na magpasiring sa Ehipto, asin mag-erok nguna duman, nin huli ta an taggutom nagin mas makuring gayo.
22 Asin ini nangyaring naglipas na kunsoarin na ako nakaabot na harani sa palaog pasiring sa Ehipto, an Kagurangnan nagsabi sa sako: Hilnga, si Sarai, an saimong esposa, sarong magayunon na gayong babae na paghilingon;
23 Kun kaya ini mangyayaring maglipas, kunsoarin na an mga Ehipsiyano maghihiling saiya, sinda magsasabi---Siya esposa niya; asin saindang gagadanon ika, pero sainda ililigtas an saiyang buhay; kun kaya hingohaon mo na saimong gibohon na may kadunungan ini:
24 Tuguti siya na magsasabi sa mga Ehipsiyano, na siya saimong tugang na babaye, asin an saimong kalag mabubuhay.
25 Asin ini nangyaring naglipas na ako, si Abraham, nagsabi ki Sarai, na agom ko, kan gabos na an Kagurangnan iyo an nagsabi sako---Kun kaya magsabi ka sainda, ako makikiolay saimo, na ika sakuyang tugang na babaye, na tanganing ini magigin marahay sako para saimo, asin an sakuyang kalag mabubuhay nin huli saimo.
